Dinamo dhe Vora ndajnë pikët në "Air Albania"

Futboll

Dinamo dhe Vora ndajnë pikët në "Air Albania"

Më: 6 maj 2026 Në ora: 18:02
Pamje nga ndeshja

Dinamo dhe Vora janë ndalur në barazimin 2-2, në sfidën e vlefshme për javën e 35-të në Abissnet Superiore.

Plot 4 gola të shënuar në impiantin “Air Albania”, aty ku fillimisht kryeqytetasit morën “frerët” e takimit duke shënuar dy gola përmes Nezirit në të 10-tën dhe Bregut 9 minuta më vonë.

Me fraksionin e pjesës së dytë, vjen dhe goli i Kasallës në minutën e 63-të, i cili sjell shpresë tek vorakët, ndërsa në të 75-tën minutë, Shehi shfrytëzon përgjumjen e mbrojtjes duke ndëshkuar portierin Aldo Teqjas dhe sjell golin e baraspeshës dhe të fundit të sfidës.

Një pikë për secilën skuadër, e cila nuk ngop asnjërën në llogaritë e fundit për objektivat që kanë në përmbyllje të sezonit.

Me këtë rezultat, Dinamo mban vendin e katërt me 49 pikë, ndërsa Vora pozicionohet në të 8-tin në zonën e play out me 39 pikë.

comment Për komente lëvizni më poshtë
Sot mund të lexoni Shfletoni kopertinat