Bayern e shkatërroi Union Berlinin 7:0 në javën e katërt të Bundesligës, në Allianz Arena.
Skuadra e drejtuar nga Vincent Kompany zhvilloi një ndeshje bindëse.
Michael Olise shënoi tre gola, Harry Kane realizoi dy, ndërsa nga një gol shënuan Jamal Musiala dhe Ismael Saibari.
Kane, përveç dy golave, vendosi edhe një rekord historik të Bundesligës.
Kane arriti 100 gola në Bundesligë
Goli i parë i Kane ishte veçanërisht i rëndësishëm. Sulmuesi anglez arriti në 100 gola në Bundesligë pas vetëm 98 paraqitjesh.
Asnjë futbollist në historinë e kampionatit gjerman nuk kishte arritur më parë në 100 gola kaq shpejt.
Rekordin e mëparshëm e mbante Dieter Müller, i cili në vitin 1977 kishte nevojitur 129 ndeshje për të shënuar 100 gola.
Pas golit të dytë kundër Union Berlin, Kane e çoi bilancin e tij në 101 gola në Bundesligë, që prej transferimit te Bayern në vitin 2023 nga Tottenham.