Manchester City ka fituar me rezultat 2-0 ndaj Newcastles, në ndeshjen e vlefshme për javën e 15-të në Ligën Premier.
Qytetarët ishin më të mirë gjatë gjithë takimit, duke krijuar shumë raste për gol.
Goli i parë erdhi që në minutën e 14-të pas një lojë të bukur të vendasve në zonë, ku Raheem Sterling asistoi te Ilkay Gundogan i cili shënoi për 1-0.
Në këtë pjesëlojë Kevin de Bryne kishte dy raste të mira, por nuk arriti të gjejë rrjetën.
Pjesa e dytë nisi sikurse e para, me gol për të besuarit e Pep Guardiolas.
Në minutën e 55-të, Ferran Torres ishte në vendin e duhur dhe në kohën e duhur për të shënuar për 2-0.
Manchester City kishte edhe tri raste shumë të mira, ku dy herë u ndal Kun Aguero dhe një herë Bernardo Silva.
Me këtë fitore Manchester City ngjitet në pozitën e pestë me 26 pikë.
