Racizmi tashmë është një fenomen shumë i përhapur në futboll

Futboll

Racizmi tashmë është një fenomen shumë i përhapur në futboll

Më: 22 tetor 2021 Në ora: 19:41
Racizmi tashmë është një fenomen shumë i përhapur në futboll

Racizmi tashmë është një fenomen shumë i përhapur në futboll. Drejtuesit më të lartë të këtij sporti shpesh vendosin masa drastike ndaj tifozëve, por dhe ndaj klubeve. Gjithsesi kjo nuk ka shuar rastet e racizmit, ku Roma dhe Lazio janë skuadrat e fundit që janë akuzuar për racizëm.

Gjatë ndeshjes së djeshme me Bodo/Glimt, ku Roma u mund me rezultatin e thellë 6-1, një tifoz romanist u shoqërua jashtë stadiumit përshkak të thirrjeve raciste ndaj kundërshtarëve.

I njëjti incident ka ndodhur dhe në sfidën midis Lazios dhe Olympique Marseille, ku këta të fundit kanë raportuar për thirrje raciste nga ana e tifozëve lacialë.

Skuadra e Marseille nëpërmjet një postimi në rrjetin social “Twitter”, ka shprehur akuzat për thirrje raciste.

“Përshkak të thirrjeve raciste ndaj lojtarëve tanë, klubi përsërit për dënimin maksimal ndaj të gjithë formave të diskriminimit”,- shkruhej në postim, transmeton Panorama.

Nëse akuzat konfirmohen atëherë UEFA mund të marrë masa ndëshkuese ndaj dy skuadrave italian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat