Shqiptari detyrohet ti paguajë Napolit 40 mijë euro

Futboll

Shqiptari detyrohet ti paguajë Napolit 40 mijë euro

Më: 24 nëntor 2021 Në ora: 22:04
Shqiptari detyrohet ti paguajë Napolit 40 mijë euro

Futbollisti Elseid Hysaj do të detyrohet të paguajë në llogarinë bankare të Napolit një sasi prej 40 mijë eurosh.

Arsyeja gjendet në vendimin e marrë dy vite më parë.

Bëhet fjalë për atë që ndodhi pas ndeshjes mes Napolit dhe Salzburgut në Champions League.

Klubi kishte dhënë urdhër që të gjithë lojtarët do të grumbulloheshin pas sfidës dhe do të shkonin në qendrën stërvitore për të fjetur e për të nisur të nesërmen stërvitjen.

Një urdhër ky që shumë lojtarë nuk iu përgjigjën, përfshirë këtu edhe Hysajn.

Lojtari i Kombëtares shqiptare u largua nga stadiumi me makinë për në shtëpinë e tij dhe ky vendim i kushton sot 40 mijë euro. Bordi i Arbitrazhit i ka dhënë të drejtë kërkesës së Napolit dhe Elseid Hysajt nuk i mbetet gjë tjetër veçse të zbatojë vendimin dhe të paguajë gjobën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat