Mancini i frikësuar nga shorti, ndeshet me shqiptarët e Maqedonisë së Veriut

Futboll

Mancini i frikësuar nga shorti, ndeshet me shqiptarët e Maqedonisë së Veriut

Më: 26 nëntor 2021 Në ora: 17:58
Mancini i frikësuar nga shorti, ndeshet me shqiptarët e Maqedonisë së Veriut

Futbollistët shqiptarë, Enis Bardhi, Visar Musliu, Ezgjan Alioski e Arijan Ademi, luajnë për Maqedoninë e Veriut.

Pak çaste më parë u hodh shorti i dueleve “play-off” të Botërorit Katar 2022. Italia nuk ia doli të mbyllte grupin e vet në vend të parë dhe tani duhet të luajë dy ndeshje shtesë.

Shorti nuk u tregua aspak bujar për kampionët e Europës, të cilët presin në shtëpi Maqedoninë e Veriut në takimin gjysmëfina, ndërsa në finale do të përballen në transfertë me fituesin e çiftit Portugali-Turqi.

Trajneri i kombëtares së kaltër, Roberto Mancini komentoi shkurt shortin, të cilin e cilëson tepër të vështirë. ”Mund të shkonte më mirë shorti. Do të jetë shumë e vështirë për ne.

Maqedonia e Veriut është një skuadër e fortë, më pas do të shkojmë të luajmë finalen në Turqi ose Portugali.

Do të jetë e vështirë, pasi bëhet fjalë për rivalë shumë të fortë”, deklaroi trajneri i katër herë kampionëve të botës.

Kuptohet që ne dhe Portugalia duhet t’i fitojmë gjysmëfinalet. Vështirësitë janë gjithmonë të mëdha kur bëhet fjalë për ndeshje teke.

Besimi dhe pozitiviteti nuk na mungojnë, sidomos në momentet më të vështira. Maqedonia shkëlqeu në grup, ata meritonin fitoren edhe ndaj Suedisë, por nuk ia dolën. Duhet të luajmë një ndeshje të madhe ndaj tyre”.

Më pas një koment për Portugalinë. “Siç donim t’i shmangim, ndoshta edhe ata donin të na shmangnin neve. Rëndësi ka që t’i kemi të gatshëm të gjithë futbollistët në mars”, përfundoi Mancini.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat