Kombëtaret U-16 dhe U-15, seleksionim me talentet e grupmoshës 2007-2008

Futboll

Kombëtaret U-16 dhe U-15, seleksionim me talentet e grupmoshës 2007-2008

Më: 27 janar 2022 Në ora: 12:43
Kombëtaret U-16 dhe U-15, seleksionim me talentet e grupmoshës 2007-2008

Është zhvilluar në Qendrën e Ekipeve Kombëtare Shqiptare në Kamëz një seleksionim i ekipeve Kombëtare U-16 dhe U-15. 60 lojtarët e përzgjedhur  të vitlindjes 2007 dhe 2008 u vunë nën urdhrat e dy trajnerëve të ekipeve kuqezi, Agron Kërçova dhe Armand Damo zhvilluan teste kontrolli që u ndoq nga Drejtori teknik i FSHF, Giancarlo Camolese, Specialisti ekipeve Kombëtare, Sulejman Mema, trajneri i Kombëtares U-18, Ardi Behari dhe trajneri i Kombëtares U-17, Ervin Bulku. Thuajse të gjithë futbollistët e thirru aktivizohen në kampionatin shqiptar, teksa vetëm dy prej tyre vinin nga Kosova.

Dy teknikët e moshave i ndanë lojtarët në 2 grupe dhe zhvilluan 2 ndeshje nga 30 minuta secila.

Këto ndeshje kontrolli u zhvilluan që t’u jepej mundësia trajnerëve Damo dhe Kërçova për të njohur nga afër lojtarët që këtë vit sipas grupmoshës (2007 dhe 2008) mund të jenë pjesë e ekipeve Kombëtare U-15 dhe U-16.

Në fund, dy stafet teknike, por edhe të dërguarit e FSHF-së, i përgëzuan futbollistët e rinj për impenjimin e treguar në këto ndeshje kontrolli.

Seleksionime të kësaj natyre do të zhvillohen gjatë gjithë vitit në mënyrë që të përzgjidhen elementet me cilësore të cilët mund të veshin fanellën e për ekipet tona kombëtare në të ardhmen e afërt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat