Shehi: Kampionati në fazë vendimtare

Futboll

Shehi: Kampionati në fazë vendimtare

Më: 2 mars 2022 Në ora: 19:11
Shehi: Kampionati në fazë vendimtare

Trajneri i Tiranës, Orges Shehi ka folur pas fitores 0-2 ndaj Teutës. Në emisionin Gol Pas Goli në Supersport, Shehi theksoi se Devid i shërben skuadrës edhe kur nuk shënon ndërsa shtoi se Xhixha nuk rrezikon ndeshjen derbi ndaj Partizanit.

Gati për derbin? “Është një fitore e rëndësishme për vazhdimësinë, ishte një ndeshje që vinte pas tre ditëve, dhe duhej të harronim shpejt fitoren. E vlerësuam kundërshtarin dhe gjatë lojës iu përshtatem kundërshtarit. Xhixha nuk është në 100% dhe nuk donim ta rrezikonim kur mori një goditje por është positive gjendja e tij dhe e gjithë të tjerëve”.

Pse nuk shënon Devid kur Tirana shënon lehtë? “Ai na shërben shumë në manovrën tonë dhe në hapjen e zonave, në luftën e ajrit dhe disa gola kanë ardhur për shkak të kësaj. Kur ti vijë rasti do të shënojë, por edhe kështu do na shërben”.

Behiratche ka humbur pozicionin e titullarit? “Ne edhe në ndeshjen e kaluar menduam ta vazhdojmë me Najdovskin dhe Hoxhallarin, është pjesë e formacionit. Por, varet edhe nga kundërshtari dhe mënyra që kërkohet pak eksperiencë se kampionati është në fazë vendimtare. Behiratche është i rëndëisshëm kur futet dhe është pjesë e rëndësishme e Tiranës”, u shpreh Shehi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat