Selektori kroat: Dëshira ime e vetme ka qenë që t’i shmangemi vetëm Francës

Futboll

Selektori kroat: Dëshira ime e vetme ka qenë që t’i shmangemi vetëm Francës

Më: 1 prill 2022 Në ora: 23:41
Selektori kroat: Dëshira ime e vetme ka qenë që t’i shmangemi vetëm Francës

Selektori i Kombëtares së Kroacisë, Zlatko Daliq, beson se me skuadrën e tij do ta kalojnë fazën e grupeve në Botërorin “Katari 2022”. Kroatët do të luajnë në grup me Belgjikën, Marokun dhe Kanadanë.

Trajneri kroat ka deklaruar se synim i Kroacisë nuk është kalimi i grupit, por objektivi është më I madh.

“Jam i kënaqur me shortin. Nuk ka grup të lehtë në Botëror sepse atje marrin pjesë shtetet më të forta të kualifikuara përmes garave.

Nëse i shikojmë kundërshtarët, atëherë mendoj se jemi të gatshëm të ballafaqohemi me ta. Sigurisht se do ta kërkojmë kalimin nga faza e grupeve, kjo nuk diskutohet”, ka thënë Daliq.

“Ne nuk do ta nënçmojmë asnjë skuadër. Do të shkojmë ndeshje pas ndeshje për të shkuar sa më lartë. Dëshira ime e vetme ka qenë që t’i shmangemi vetëm Francës, me të cilën kemi luajtur shumë kohëve të fundit”, ka deklaruar Daliq.

comment Për komente lëvizni më poshtë
Sot mund të lexoni Shfletoni kopertinat