Media zvicerane shkruan për lojtaren më të mirë nga Kosova, për kritikat e saj!

Futboll

Media zvicerane shkruan për lojtaren më të mirë nga Kosova, për kritikat e saj!

Nga: Kemajl Goca Më: 25 qershor 2022 Në ora: 16:56
Kosovare Asllani

Futbollistja Kosovare Asllani (32 vjeç) largohet nga Real Madrid Femenino pas tre vitesh. Gjatë ndarjes, ajo shpreh mendimin e saj.

Dhe bashkë me të edhe shumë kritika ndaj drejtuesve të klubit, shkruan media e njohur zvicerane “Blick”.

Asllani është me prejardhje nga Kosova përkatësisht nga qyteti i Mitrovicës. 

Image

“Kosovare Asllani ka luajtur për Real Madrid Femenino për tre vite. Gjatë kësaj kohe, suedezja luajti 95 ndeshje, shënoi 36 gola dhe asistoi 18 prej tyre. Tani ajo i thotë lamtumirë klubit spanjoll. 

32-vjeçarja nuk do të vazhdojë kontratën e saj, e cila i skadon në fund të qershorit.

Asllani i thotë lamtumirë me disa kritika, shkruan “Blick”.

 “Klubi është shumë i rëndësishëm për mua, por kam ndjenjën se është në duart e gabuara”, tha sulmuesja për “SportExpressen”.

“Është e vështirë të hysh në detaje”, thotë Asllani. “Unë mendoj se ka një kulturë në klub që nuk është e shëndetshme për lojtarët. Për pak u detyrova të luaja e dëmtuar dhe nuk mora asnjë ndihmë”, tha me tej.

“Në fund ishte një vendim që duhej të merrja për të pasur një karrierë më të gjatë sportive”, shpjegon reprezentusja e Suedisë.

“Mendoj se kam bërë shumë për klubin që në fillim, por e kam parë që nuk i kanë trajtuar mirë lojtaret gjatë gjithë këtyre viteve”, tha Asllani.

Fokusi i saj tani është në Kampionatin Evropian në Angli (6 deri në 31 korrik). Me Suedinë takohet me Zvicrën në fazën e grupeve (13 korrik, ora 18.00).

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat