Hëngrën bakllavën e kandidatit për president, e pësojnë keq tetë lojtarë

Futboll

Hëngrën bakllavën e kandidatit për president, e pësojnë keq tetë lojtarë

Më: 10 gusht 2022 Në ora: 11:08
E pësojnë keq tetë lojtarë

Thuhet se rregullat janë bërë për t’u thyer, por ka nga ato rregulla për të cilat masat janë të rrepta.

Në Turqi, klubi i Akhisarsporit ka përjashtuar tetë lojtarë për shkak se kanë bërë një shkelje të rëndë: ata i hëngrën bakllavën e kandidatit për president.

Një ditë pas ngjarjes, drejtuesit vendosën që të përjashtonin tetë futbollistët që kishin kryer këtë akt të paprecedent e që nuk ishte dëgjuar më parë në botën e futbollit.

Akhisarspori prej 2 muajsh është pa trajner, ndërsa së fundmi ka dhënë dorëheqjen dhe drejtori sportiv i klubit, e me përjashtimin e gjysmës së skuadrës, gjasat janë që ekipi të shpërbëhet, duke shkuar drejt një situate kaotike.

Ish-ekipi i sulmuesit të Shqipërisë, Sokol Cikalleshit ra edicionin e shkuar në nivelin e tretë të futbollit turk e si të mos i mjaftonin problemet me financat, tani duhet të zgjidhin dhe problemet me lojtarët e dashuruar me bakllavën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat