Ademi takohet me Perezin dhe Carlosin para Superkupës së Evropës

Futboll

Ademi takohet me Perezin dhe Carlosin para Superkupës së Evropës

Më: 10 gusht 2022 Në ora: 20:31
Ademi takohet me Perezin dhe Carlosin para Superkupës së Evropës

Presidenti i Federatës së Futbollit të Kosovës, Agim Ademi po qëndron në Helsinki, kryeqytetin finlandez atje ku sonte me fillim nga ora 21:00 do të zhvillohet finalja e Superkupës së Evropës mes Real Madridit dhe Eintracht Frankfurtit.

I pari i shtëpisë së futbollit në Kosovë pak para takimit është takuar me presidentin e Real Madridit, Florentino Perez dhe dy legjendat e klubit madrilen, Roberto Carlos dhe Emilio Butragueno.

Pamjet i ka ndarë vetë kreu i FFK-së nëpërmjet llogarisë së tij në Facebook.

“Në prag të ndeshjes së Superkupës së Evropës, Real Madrid – Eintracht Frankfurt, në taborin e klubit madrilen, me presidentin Florentino Perez dhe dy legjendat e këtij klubi Emilio Butragueńo dhe Roberto Carlos”, ka shkruar Ademi në rrjetin social.

Ademi po qëndron në Helsinki me ftesën e presidentit të UEFA-s, Aleksandër Çeferin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat