Sfidë që emocionon shqiptarët, luftë për fazën e grupeve në Evropë 

Futboll

Sfidë që emocionon shqiptarët, luftë për fazën e grupeve në Evropë 

Nga: Kemajl Goca Më: 16 gusht 2022 Në ora: 23:08
Pamje nga ndeshja e Ballkanit me KI Klaksvik

Pak kush ose askush nuk e ka paramenduar se do të kemi një luftë futbolli mes skuadrave shqiptare, kampionit të Maqedonisë së Veriut, Shkupi dhe kampionit të Kosovës, Ballkani të Therandës!

Ballkani apo Shkupi, një është e sigurt, një skuadër shqiptare është në fazën e grupeve të Conference League.

Emocione të mëdha për faktin se ndeshen kampionët mes vete, skuadrat shqiptare dhe një luftë sportive për një vend në garat evropiane.

Kryetrajneri i Ballkanit, Ilir Daja, ka qetësinë dhe përvojën e tij në këtë zeje, duke e ngritur një ekip dhe afruar me fazën e grupeve, suksesi më i madh në histori sa i takon garave evropiane për një ekip nga Kosova.

“Ekipi ynë ndeshjen e play-off-it  kundër FC Shkupit e zhvillon me 18 gusht në orën 21.00 në “Arena  Todor Proeski” në Shkup.
Synimi i vetëm është fitorja dhe kalimi tutje në fazën e grupeve!

Na priftë e mbara Kosovë”, shkruan në faqen e KF Ballkanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat