Arsenali i propozon një shkëmbim Juves

Futboll

Arsenali i propozon një shkëmbim Juves

Më: 5 tetor 2022 Në ora: 18:24
Arsenali i propozon një shkëmbim Juves

Arsenali garoi fort me Juventusin verën e kaluar për shërbimet e Manuel Locatellit, por mesfushori italian preferoi në fund transferimin në Torino nën urdhrat e Max Allegrit.

Skuadra angleze po kalon një moment shumë të mirë. Djemtë e Mikel Artetës kryesojnë Premier League me 21 pikë të grumbulluara në tetë javë kampionat.

Drejtuesit e Arsenalit i kanë premtuar trajnerit një përforcim cilësor në mesfushë, repart ku objektivi kryesor vijon të mbetet Locatelli.

Ky i fundit nuk po ia del të kthehet në një titullar fiks te rekordmenët e futbollit italian dhe nuk përjashtohet pranimi i ofertës nga Anglia.

Ndërkohë, propozimi i Gunners për Juventusin është një shkëmbim mes 24-vjeçarit italian dhe Sambi Lokonga, kartoni i të cilit vlerësohet 30 milionë euro.

22-vjeçari belg u ble verën e kaluar nga Anderlechti. Ai luan në qendër të mesit të fushës, njësoj si Locatelli, ndërkohë që në shtatorin e vitit 2021 debutoi me kombëtaren e belge.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat