Manchester City ka zyrtarizuar blerjen e anësorit belg, Jeremy Doku, nga Rennes për 55.4 milionë stërlina.
Citizens kanë rënë dakord për një kontratë pesëvjeçare me 21-vjeçarin, i cili shënoi 10 gola në 75 paraqitje në Ligue 1 në tri sezone.
Doku, i cili numëron 16 paraqitje për Belgjikën, ka marrë fanellën me numrin 11.
“Kjo është një ditë e madhe për mua, si personalisht ashtu edhe profesionalisht. City është ekipi më i mirë në futbollin botëror, kështu që bashkimi me ta është i veçantë”, tha Doku.
Skuadrat e Superiores humbasin terren ndaj atyre kosovare, “dardanët” e nisin nga Europa League dhe turi i dytë
Doku bëhet përforcimi i tretë për Pep Guardiolën gjatë verës pas mesfushorit Mateo Kovacic, që mbërriti për 25 milionë stërlina nga Chelsea, dhe ish-mbrojtësit të Leipzigut, Josko Gvardiol, që u bashkua me City-n për 77 milionë stërlina.
