Inter barazoi 1-1 në miqësore me Pisan, megjithatë trajneri Simone Inzaghi nuk shqetësohet.
Numri një i zikaltërve theksoi pas sfidës se i pëlqeu reagimi i lojtarëve të tij, të cilët nuk dorëzohen duke treguar në fushë mentalitetin e një skuadre kampione.
“Këto janë ndeshje të rëndësishme për të marrë minuta në këmbët tona.
Pisa luajti një ndeshje vërtet të mirë, por jam i kënaqur me qëndrimin e lojtarëve të mi. Ne kemi treguar se absolutisht nuk duam të humbim as në miqësore. Ky është mentaliteti që më pëlqen”, u shpreh Inzaghi.
