Europiani U-17 “Shqipëri 2025”, UEFA zyrtarizon arbitrat kryesorë

Futboll

Europiani U-17 “Shqipëri 2025”, UEFA zyrtarizon arbitrat kryesorë

Më: 16 maj 2025 Në ora: 14:21
Foto ilustrim

UEFA ka publikuar listën e arbitrave kryesorë që do të gjykojnë në Kampionatin Europian U-17 “Shqipëri 2025”, turne që do të zhvillohet nga 19 maji deri më 1 qershor në katër stadiume: “Arena Kombëtare”, “Elbasan Arena”, “Niko Dovana” dhe “Arena Egnatia”.

Gjashtë arbitrat kryesorë të përzgjedhur për këtë turne janë:

Patrik Kolaric (Kroaci)
Mikkel Redder (Danimarkë)
Olivier Reitala (Finlandë)
Joey Kooij (Holandë)
Lukas Kuzma (Poloni)
Oleksi Derevinskyi (Ukrainë)

Sipas rregullores së UEFA-s, secili prej tyre do të shoqërohet nga një asistent nga vendi i tij.

Ndërkohë, gjyqtari shqiptar Florian Lata është përzgjedhur si arbitër i katërt në këtë Europian, së bashku me Kamal Umudlu nga Azerbajxhani.

Nga lista paraprake e asistentëve të konfirmuar deri tani janë:

Jonathan Bell (Skoci)
Guillaume Maire (Zvicër)

UEFA pritet të zyrtarizojë së shpejti emrat e mbetur për asistentët, të cilët do të plotësojnë trupën gjyqësore të këtij turneu prestigjioz, që për herë të parë organizohet në Shqipëri.

comment Për komente lëvizni më poshtë
Sot mund të lexoni Shfletoni kopertinat