Projektohen 5 afrime të reja për të “shpëtuar” Flamurtarin

Futboll

Projektohen 5 afrime të reja për të “shpëtuar” Flamurtarin

Më: 8 janar 2026 Në ora: 14:32
Flamurtari

Flamurtari është një prej skaudrave që po lëviz “gurët” në merkaton e janarit.

Madje kuqezinjtë bënë “zhumë” në ditët e fundit të dhjetorit, ku në Vlorë nisën të ëndërronin për transferimin e Sokol Cikalleshit dhe Armando Sadikut.

Pas disa ditësh, nuk ka asgjë prej palëve dhe në këto kushte duket se gjithçka është “harruar”.

Por pavarësisht kësaj, drejtuesit kanë planifikuar edhe 5 afrime të tjera për të “shpëtuar” sezonin.

Janë projektuar futbollistët dhe tashmë krerët e vlonjatëve kanë nisur punën për të “plotësuar dëshirat” e stafit teknik.

Ndërhyrjet do të jenë nga mbrojta në sulm, në mënyrë që në çdo repart të shtohet cilësia. Ndërkohë siç dihet Flamurtari aktualisht në “Abissnet Superiore” është i parafundit në klasifikim, ku ka arritur të grumbullojë 14 pikë pas 18 ndeshjesh, teksa rrezikon edhe mbijetesën në elitë.

comment Për komente lëvizni më poshtë
Sot mund të lexoni Shfletoni kopertinat