Futbollisti Vedat Muriqi ishte protagonist absolut i Mallorca-s, në ndeshjen që këta të fundit barazuan në shtëpi me shifrat 1:1 përballë Villarrealit.
Ishte pikërisht shqiptari, ai që shënoi golin për të tijët në minutën e 47-të të pjesës së parë.
Për këtë paraqitje fantastike të tijën, sulmuesi 32-vjeçar ka fituar një vend në formacionin më të mirë të javës së 35-të të LaLiga, sipas mediumit “SofaScore”.

Formacioni
Këta të fundit kanë “injoruar” lojtarët e Real Madrid dhe Barcelonës, të cilët në “El Clasico” nuk treguan më të mirë.
Ndërsa Muriqi është vendosur në majën e sulmit me notën 8.2 krah shokut të ekipit, Luvumbo.
Ndërkohë në këtë ekip ka edhe lojtarë si Antony i Real Betis apo ylli i Atletico Madrid, Alex Baena.
Për sa i përket Vedat Muriqit, këtë sezon të LaLiga-s, sulmuesi i Kosovës ka shënuar jo pak por 22 gola.
Ai është në ndjekje të kryegolashënuesit, Kylian Mbappe, me francezin që ke gjetur rrugën e rrjetës në 24 raste.