Skenë e pazakontë! Gazetarët i shkatërrojnë konferencën Brahim Diazit

Futboll

Skenë e pazakontë! Gazetarët i shkatërrojnë konferencën Brahim Diazit

Më: 9 korrik 2026 Në ora: 13:04
Brahim Diaz

Konferenca për shtyp e Brahim Diaz u ndërpre për gati një minutë nga një skenë e pazakontë dhe e tensionuar.

Ndërsa lojtari i Marokut po i përgjigjej pyetjes së parë, dy gazetarë filluan të grindeshin.

Arsyeja ishte aq e thjeshtë sa edhe sureale: njëri kishte dorën e ngritur për të kërkuar leje për të folur, dhe tjetri kërkoi që ta ulte sepse po i bllokonte pamjen e kamerës.

Asnjëri nuk ishte i gatshëm të tërhiqej. Grindjet u përshkallëzuan derisa disa persona u desh të ndërhynin për t’i ndarë dhe për të rivendosur qetësinë në dhomë.

Nga foltorja, Diaz e shikoi skenën me një përzierje habie dhe mosbesimi.

Dhe kur konferenca për shtyp mundi të rifillonte, ai e theu tensionin me një fjali që i bëri të gjithë të qeshnin: “E kam harruar tashmë pyetjen”, bëri shaka numri 10, duke u përpjekur të lehtësonte atmosferën.

Sot mund të lexoni Shfletoni kopertinat