Prishtina nuk ka të ndalur.
Në pesë ndeshjet e para të edicionit të ri në elitën e futbollit të Kosovës, kryeqytetasit kanë regjistruar pesë fitore.
Skuadra më e trofeshme në vendin tonë ka arritur një tjetër fitore, kësaj radhe me rezultat 3:0 ndaj Feronikelit 74.
Ndeshja u zhvillua nën dritat e reflektorëve në stadiumin “18 Qershori” në Klinë.
Për Prishtinën shënuan Asane Diatta në minutën e 33-të e 90+2 dhe Arijanit Fazlija në minutën e 61-të.
Prishtina kryeson tabelën me 15 pikë, ndërsa Feronikeli 74 ndodhet në vendin e parafundit, të nëntin, me vetëm 3 pikë.
