Kapiteni i Kombëtares së Zvicrës, Granit Xhaka, pati një ditë të pafat në përballjen ndaj Chelseat, pasi u lëndua që në minutën e tretë dhe u detyrua të largohej nga fusha.
Megjithatë, edhe pa kapitenin shqiptar, Sunderland tregoi karakter të madh para shikuesve të vet, duke e mposhtur Chelsean me rezultat 1:0, në kuadër të javës së 10-të të Premier League.
Heroi i vendasve ishte Enzo Le Fée, i cili në minutën e 36-të realizoi golin e vetëm të takimit.
Futbollisti i Sunderlandit goditi saktë në këndin e poshtëm të djathtë të portës, duke e mposhtur portierin Mike Penders, i cili nuk arriti ta ndalte topin.
Kjo fitore merr rëndësi të veçantë për Sunderlandin, i cili para këtij takimi kishte regjistruar shtatë ndeshje radhazi pa fitore.
Pas javës së 10-të, Chelsea renditet në vendin e pestë me 16 pikë, ndërsa Sunderland ngjitet në pozitën e 18-të me tetë pikë.