Legjenda e futbollit të Kosovës, Kujtim Shala, i pari futbollist shqiptar që veshi fanellën e kombëtares së Kroacisë pikërisht me 17 tetor të vitit 1990 në përballje me Shtetet e Bashkuara të Amerikës, me fjalët më të mira për gazetën kombëtare “Bota sot”.
Ish futbollisti i Lirisë së Prizrenit, Partizanit të Beogradit, Prishtinës, Dinamos së Zagrebit dhe skuadrave elite gjermane e franceze, tha se “Bota sot” është gazetë që në mënyrë më të mirë pasqyron ngjarjet sportive.
“Uroj 27 vjetorin e gazetën kombëtare “Bota sot”, gazetë që më fle në shpirt dhe që e gjej veten aty.
Sidomos më fascinon kur shkruan me aq saktësi e profesionalizëm për periudhat e ndryshme sportive, veçmas kur shkruan për kohën e artë të viteve të 80-ta, brezi tonë të artë dhe e pasqyron me milimetër, duke njoftuar gjeneratën e sotme se futbolli dhe sporti në ato vite ka qenë në pikën më kulmore.
“Bota sot” shkruan për të gjitha sportet, për sportistët shqiptarë kudo që jetojnë e veprojnë duke informuar në kohë reale paraqitjet dhe të arriturat e tyre.
Është gazetë që e pëlqej shumë dhe që shkruan për të gjitha gjeneratat. Është gazetë që e lexoj më kënaqësi dhe që më befason shumë herë me lajme fantastike nga sporti.
Uroj gjithmonë të vazhdoni me lajme të ndryshme sportive. Gazetën ‘Bota sot” e kam për zemër ”, uron legjenda Shala.
