Xhemil Jahiji është futbollisti më i ri i Skënderbeut.
Mesfushori nga Maqedonia është prezantuar pak minuta më parë nga klubi korçar. 23 vjeçari ka firmosur një kontratë 1-vjeçare, pra të vlefshme vetëm për sezonin 2026/27.
Më herët, Jahiji ka luajtur për skuadra si NK Croatia Zmijavcin, Arsimin, Voska Sport dhe Shkëndijën në Maqedoninë e Veriut.
Sa i takon paraqitjeve me Kombëtaren, ai aktivizohet te Maqedonia U-21, ndërsa ka veshur edhe fanellën e Shqipërisë, më saktësisht tek Kombëtarja U-16 ku ka luajtur gjithsej 3 ndeshje.
Ky është përforcimi i tretë për trajnerin Julian Ahmatajn, pas atyre të Viktor Bragës dhe Amadou Diallos.
