Trepça e Mitrovicës është në epërsi me rezultat 2:0 në serinë e finaleve të play-off-it të Kampionatit të Kosovës në basketboll.
Mitrovicasit shënuan fitore me rezultat 93:83 (23:20, 30:20, 17:22, 23:21).
Mbi 3000 tifozë ishin të pranishëm në këtë ballafaqim.
Në 20 minutat e parë, Trepça ishte në epërsi me 13 pikë (53:40).
Dy çerekët e fundit ishin më ndryshe dhe një Bashkim më i mirë e më i rrezikshëm.
Në minutën e 37-të rezultati ngushtohet në tri pikë (84:81), duke shtuar presionin e madh te Trepça.
Mitrovicasit triumfuan me 10 pikë dallim (93:83) ndaj prizrenasve.
Basketbollisti Akili Vining ishte më efikasi te mitrovicasit me 26 pikë, i ndihmuar nga Kenneth Hasbrouck me 18 pikë.
Jalen Riley me 22 pikë ishte më i dalluari te prizrenasit, i ndihmuar nga Shannon Shorter me 20 sosh.
