Mike Tyson shihet si një nga njerëzit më të ashpër në historinë e sportit. Megjithatë, pas fasadës së tij të fortë fshihet një personazh i ndjeshëm, sipas vetë amerikanit.
Pavarësisht se është ish-kampion i botës në boks në peshat e rënda, dhe i shërbyer mirë nga agresioni dhe egërsia e tij, Tyson pretendon se është frika e tij që e bën atë kaq të dhunshëm.
“Unë jam aq i frikësuar sa jam kaq i dhunshëm dhe nuk mund ta kontrolloj dhunën time. Jam i frikësuar”, tha ai në podcast-in e tij Hotboxin. 57-vjeçari shtoi se është bërë thuajse një instinkt i natyrshëm që ai të jetë në sulm.
“A ka kuptim kjo për ju? Unë, Mike Tyson dhe unë jemi shumë të frikësuar nga gjithçka. Gjithçka që di të bëj është të sulmoj, kështu ndihem. Nuk mund ta besonin kurrë se unë e urrej veten”.
Tyson është hapur shumë që nga tërheqja e tij, duke zbuluar shumë histori të vështirësive që ka kaluar në jetën e tij dhe zhvillimit personal.
Ai ka treguar se ka marrë ilaçe psikodelike si Ayahuasca, të cilat lejojnë introspeksion të thellë dhe vetë-përmirësim, ndër metodat e tjera për të ndihmuar veten.
