“Euro 2020” ka zhvilluar pjesën më të madhe të fazës në grupe, duke iu dhënë mundësinë kombëtareve pjesëmarrëse të “sfilojnë” nga një dhe dy herë para publikut.
Të gjithë kemi krijuar një ide tashmë se kush është favorit dhe kush kalimtar në këtë kompeticion.
Sidoqoftë, kur të hyjmë te faza më e nxehtë, çerekfinalet e në vazhdim do të rritet adrenalina e lojtarëve dhe tifozëve anembanë botës, sepse do të ketë eliminime direkte.
Deri në këtë pikë të Europianit të kësaj vere kanë spikatur tetë golashënues, që kanë realizuar më tepër se një herë.
Listën e kryeson i vetëm Patrick Schick i Republikës Çeke, me tre gola.
