Ronaldo në rolin e edukatorit

Futboll

Ronaldo në rolin e edukatorit

Më: 29 janar 2022 Në ora: 12:45
Ronaldo në rolin e edukatorit

Futbollist yll në fushë, edukator jashtë saj. Cristiano Ronaldo foli për rëndësinë e zakoneve të mira njerëzore gjatë një eventi në “Dubai Expo”:

“Siç e dini, unë kam katër fëmijë dhe pres edhe dy të tjerë. Shëndeti është gjëja më e rëndësishme, ne duhet të kujdesemi për trupin tone, mendjen dhe anën shpirtërore. Kulturat dhe fetë nuk kanë rëndësi, sepse të gjithë jemi njësoj.

Duhet t’i mësojmë fëmijët të kujdesen për veten, trupin e tyre, të hanë mirë, të flenë mirë dhe të dëgjojnë këshillat e mira nga prindërit e tyre. Personalisht mendoj se mënyra më e mirë për të edukuar dhe udhëhequr është me shembull.

Ne duhet të japim shembullin te brezat e rinj. Teknologjia mund të jetë një ndihmë e madhe, por ne duhet të dimë ta shfrytëzojmë atë, pa qenë obsesivë. Mund të jap shembullin tim.

Djali i madh, i cili është 12 vjeç, më kërkon gjithmonë celularin. Unë i përgjigjem gjithmonë: Cristiano, ke kohë për këtë. Gjithashtu e di që ky brez i ri është një hap më përpara se i yni”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat