Izolim dhe përjashtime, dora e hekurt e Campos

Futboll

Izolim dhe përjashtime, dora e hekurt e Campos

Më: 26 qershor 2022 Në ora: 12:06
Izolim dhe përjashtime, dora e hekurt e Campos

Te Paris Saint-Germain kanë vendosur të ndryshojnë. Me drejtorin e ri sportiv Luis Campos, klubi po punon të përgatisë skuadrën për sezonin e ardhshëm.

Sipas Le Parisien, zëvendësuesi i Leonardo-s ka ndërmend të largojë nga ekipi ata futbollistë që nuk bëjnë më pjesë në planet e klubit edhe duke përdorur një mënyrat e forta.

Lojtarët që konsiderohen të tepërt dhe që do të kundërshtojnë zgjedhjet e klubit në merkato do të izolohen dhe do të nxirren jashtë ekipit.

Për drejtuesin kjo metodë nuk është aspak e re. Edhe në të kaluarën, në f a kt, në kohën e Lille, lojtarë të ndryshëm, mes të cilëve edhe mbrojtësi Julian palmeri, janë  ankuar për metodën e drejtuesit aktual të parisienëve.

Futbollistët kanë shpjeguar në atë kohë se lojtarët e padëshiruar trajtoheshin shumë keq: largoheshin nga skuadra dhe detyroheshin të ndërroheshin në një tjetër dhomë zhveshjesh. Gjithashtu iu hiqej edhe vendi i parkimit, për t’i bindur që të largoheshin sa më shpejt.

Në listën  e lojtarëve që konsiderohen të tepërt te PSG duket se janë shumë yje të skuadrës, por mbi të gjithë bien në sy emrat e  Kurzaëa-s dhe Mauro Icardi-t.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat