Nuk dihet e ardhmja e Bajramit

Futboll

Nuk dihet e ardhmja e Bajramit

Më: 15 gusht 2022 Në ora: 00:03
Bajrami

Nedim Bajrami nuk e di ende se në radhët e cilës skuadër do të vazhdojë këtë sezon.

Mesfushori i përfaqësueses shqiptare luajti sot ndeshjen e parë të edicionit në Serinë A me Empolin, por emri i tij vazhdon të diskutohet si një përforcim i Fiorentinës.

Edhe trajneri i Empolit, Paolo Zaneti, ka pranuar se nuk ka ende siguri sa i përket të ardhmes së futbollistit të përfaqësueses shqiptare.

“Shpresojmë që merkatoja të na lejojë të mbajmë Bajramin, por nëse nuk do të jetë kështu, do ta zëvendësojmë”, theksoi tekniku i Empolit i cili vazhdimisht i ka bërë thirrje publike klubit që të mos lejojë largimin e futbollistit shqiptar gjatë verës.

Megjithatë, Fiorentina insiston që të ketë futbollistin dhe nëse do të plotësojë kërkesën e Empolit duke paguar rreth 10 milionë euro, Bajrami shumë shpejt do të zhvendoset drejt Firences.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat