Kurora e yjeve

Kultura

Kurora e yjeve

Më: 3 janar 2021 Në ora: 10:04
Agim Desku

Sa herë më humb pena mbrëmjeve të vona

Më bëhet se është shndërru në muzë fluture

Bashkë me mendjen fluturojnë mbi re

Për t'i takue a për tu ba heroinë e fjalës

Këtë mbrëmje nuk mund t'i takoj ëndrrat

S'ka borë për tu bërë ëndërr e vërtetë

Por ka yje që ma ndriçojnë penën kah shkruan

Dhe ka fjalë të bukura që s'janë ma ëndrra

Edhe këtë mbrëmje paskna pasur dyluftim

Betejat për ta çelur Kutinë e Pandorës

Për vdekje rava për tu ngrit në çlirimtar

E di tani se ku e kam fjalën e shpirtit

Cila çlirimtare i fitoj betejat e atdhut të robëruar

Sonte kam bërë lutje të bie borë

Njëqind lutje heroinave për shërim plagësh

Vetēm kur bie borë fluturojmë në ëndrra

Mbrëmjeve të dhjetorit të jenë të bardha

Si muza s e penës kur fluturon ëndrrave

Sonte njeri nga çlirimtarët dola edhe unë

Në dyluftim me shpirtin qenka luftë e madhe

Për ta rujtë lirinë nga tradhtitë e njeriut tonē

Të duhet më dal çdo çast në dyluftim me demonë

Sa vështirë t'i qëndrosh jetës pa plagë atdheu.

EJA SI ÇLIRIMTAR

Vitit 2021

Mos ardhësh si vit rebel

As me coronë e pandemi

I hidhur si pelin jo se jo

As në ëndërr mos eja si fëmijë

Eja si kalorës me plis të bardhë

Të dua për betejat e lëna në gjysmë

Më fitoret e Gjergjit eja si çlirimtar

Kështu me ty edhe unë bëhem guximtar

E di do të me fal kohën e artë

Nëse vertetë do të krijojmë miqësi

Nga pena ime kurrë s'do të ju ndajë

Edhe atëherë kur mbi re krijohen stuhi

Dua të të besoj nëse je vit i shpresës

I fjalës me të bukur që i besohet besës

Veç tradhti mos m'i sjell jetës

Për çdo gjë tjetër i përulëm kujtesës

Sonte e kisha shpirtin e ndarë në dysh

Për Ronin,Kiaren e Arian ah sa larg më rrinë

Kishin frikë nga kjo dreq pandemi

U pamë sikur s'u pamë fare në fotografi

Në rrugëtimin që e nise më ardhë Vti i Ri

Mos eja si vitet dikur të brishta të Evropës

Eja me ëndrra për të udhëtuar të lirë

Mos na mbajë edhe kët vit të lidhur me zingjirë.

TRËNDAFIL I SHENJTË

Ëndrrës ia qava hallin për këtë kujtim

Mbrëmjeve u bëmë miq të shenjtë

Fluturuam edhe mbi re të bardha

Në qetësi takuam perënditë e Ernes

Na thanë për tu bërë emër dielli

Të shndërrohem në aromë trëndafili

Ecim me kujtimet që ngjajnë në hyjni

Kur më flejnë në shpirt krijohen vetë poezi

Veç ty trëndafil të bëra fjalë shpirti

Të ngrita me gotën e jetës dhe të dehjes

Të bëra be e rrfe së të kam edhe atdhe

Dhe tê kam artin ma të bukur të shprehjes

Zgjedhe jetën dhe besoj të vërtetës

Nuk është në ëndërr as edhe përrallë

Kur fjalën e shpirtit për besë ta kam falë

Aeomën e trëndafilit ta kemi për jetë kujtim.

ME PLIS TË BACI

Bac veç me plis vij tek ti në Vitin e Ri

Për fjalën ma të bukur që e deshte liri

Eca për të ju bashkue kohës tënde

Ferrin e Dantes mezi e kalova

Zjarret prekaziane më sjellën pranë

Të njëjtë si ngroësia e diellit tim

Kohën e plagëve e bëra atdhe

E ujita me lotin e dhembjes Doruntinē

Sa të fuqishme kishte besën për perëndinë

Kush ndërroj për nënën jetën për dashurinë

Nëse do të vie si pis pa plis tek ti bacë

Mos m'i hapë portat e kujtimeve tē betejave

S'dua të jetoj në mallkimet të asnjë demoni

Bëhem rebel i lirisë për krahet e mi të prerë

Me dashuritë e mikes vimë me plisa të bardhë

Sot më shumë së asnjëherë të jemi shqiptarë

Nga një gur e vëjmë në Kalanë Prekaziane

Le të dashurojnë brezat e të bëhen zana mali

Të shkruaj per një jetë qendrese

Ah sa më merr malli

Uroj të lindin çdo çast heronjë të fisit

Për t'i fitue betejat me kokën e plisit.

Shfaq komentet
comments powered by Disqus
Sot mund të lexoni Shfletoni kopertinat