Prindërit e mi

Kultura

Prindërit e mi

Nga: Anita Hoxha Më: 6 dhjetor 2021 Në ora: 18:58
Anita Hoxha

Ikën prindërit, të zënë për dore, në mëngjes

Ikën dhe ata, emigrantë, në tokë të huaj

Lulet mbetën pa erë, pa të të kristaltën vesë

E unë në aeroport, të fundit lot ruaj !

 

I përcolla të rinj prindërit, vite më parë

Ndejtën kohë, pranë fëmijëve pa ardhur...

Sa herë, nga mungesa e tyre, kam qarë

I përcolla të rinj, erdhën flokëzbardhur !

 

Shtëpisë si mysafirë rrinin, fjalë pak...

As unë fëmijë si atëherë, s’kam mbetur

Sot në mëngjes, ata ikën, fluturuan larg

Në tjetër vend, ku rininë e tyre  lanë tretur !

 

E vetme aeroportit qëndrova, fillikat

Me mall fëmije, si dy fëmijë, i përqafova

Ai zog i hekurt me krah, u ndgrit qiellit lart...

Bashk me prindërit, fëmijërinë përcolla !

 

Në dhomë kur hyra, krevatin bosh e gjeta

As këpucët nuk ishin, as zërat e tyre...asgjë !

Fustanit të mamasë harruar, veshtrimin treta !

Kur malli të më marri,  të flasë e rri me të 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat