Reçaku

Kultura

Reçaku

Nga: Qerim Raqi Më: 15 janar 2022 Në ora: 19:06
Foto ilustrim

Gjak shqiptar kullon përroi i Bebushit
dorë e zezë e urrejtjes ka therë shpirtra të pafajshëm
Britmat e therjes janë ngrirë me acarin e janarit
Kristale të ngrira të heshtura nga thikë e urrejtjes
Anti-njerëzit me maska hijrt kanë ikur pas krimit
Trupa gjurmë gjaku të gjymtuar gjysmëtrupa
Kryqëzuar kokë të prera sytë të nxjerrë
Në ballin e civilizimit evropian
Mesjeta ka ngulur thikë pas shpinës
Me bisht barbari ballkanase
Gjak gjakosje gjakpirje gjakpirësish
Kullon erë e krimit krimb kodrën e Bebushit
Natës së kristaltë të janarit Reçaku i heshtur
Mbledh copëzat mbledh kokat e prera
Në heshtje sytë zemra e nxjerrë e një shpirti
Rri strukur në cepin e përroit që pikon gjak shqiptar
Nga dhembja pëlcet kraharori i një çuni që kërkon kokën e prerë të babait
Vaji i nënave therrë si britmë e Rakelës në Rama
Sytë e vdekjes na shohin vështrimet e këputura mblidhen
Syru i Wolkerit rrëshqet poshtë del prej gropëzave
dhe vështron therjet gjakun e lotin shqiptar
Dëshmia merr sy del jashrë vështrimi sytë e Kosovës
Kancelarive të botës depërtojnë vështrimet e tmerrit të syve të nënave shqiptare
mbase takohen muzeve me sytë e madonave të Rafaelit
që pëlcasin bien prejpëlhurës
dhe hyjnë në zgavrat e zbrazëta
të fëmijëve të Reçakut

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat