Laramania

Kultura

Laramania

Nga: Sevdail Hyseni Më: 2 korrik 2022 Në ora: 09:14
Foto ilustrim

Një fushë me qenë

Mblidhen n’Kuvend,

T’u shpallin luftë

Ujqërve me gjithë mend!

Me mend e me forcë

Në një stil qenqe,

T’i fusin të gjallë

N’gropa e hendeqe!

Ujku nga kodrina

I pa me trishtim,

Kthehet t’i njoftoj

Ujqërit me nxitim!

O vëllezër mbaruam

Nga qentë endacakë,

E pat puna jonë

Jemi fare pak!

Ujku plak u ngrit

Na çmende o mik,

Dil e shih si duken

Mos përhap panik!

Doli dhe njëherë

Çfarë t’i shohin sytë?

Një orgji me qenë

Lloj-lloj e çeshit-çeshit!

Qenë të zi e të kuqë

Të bardhë e laramanë,

Bishtcubel e veshprerë

Që lypin belanë!

Vëren dhe të tjerë

Langonj e zagarë,

Llaskuc dhe zangoqë

Tepër të paparë!

Kthehet me vrap

Te të afërmit e tij,

T’u tregoj me rend

Ç’kish parë me sy!

Mirë na qenka puna

Tha ujku qafëtrashë,

Për t’fituar luftën

Nuk kemi telash!

Ata kur plas lufta

Bëhen copë e thërrime,

S’e njohin njëri tjetrin

Nuk janë të një qime!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat