Pjetër Bogdanit

Kultura

Pjetër Bogdanit

Nga: Enver Sulaj Më: 6 dhjetor 2022 Në ora: 22:03
Enver Sulaj

Pjesët e atdheut të copëtuar s´gjenden më në harta memece,

Jetën akoma e matim me kutinë e dhembjes mitike,

Ecim në karvanin e lashtë e qentë nuhatin kockat tona;

Tragjeditë i kemi përjetësuar me varre pa epitafe,

Është fundi i shekullit që na goditi me sëpatë pas shpine,

Retë lodrojnë qiellit profetizohet me shi,

Besën e rritëm në kullat e shpuara nga plumbat,

Oshëtinin grykat e Bjeshkëve të Nemuna, nusja vinte kalëruar-

Garentina qëndiste përdëllueshëm pajën e nusërisë;

Ditët kalonin me këngët e valet e kreshnikëve

Atë, Pjetër, Çeta s´e ndali kurrë shtegëtimin

Në ditët që ndillnin fatkeqësi e mordja sillej vërdall-

Ishin eshtrat tu që na rinuan këngën e na mbushën mall;

Tani qentë më s´lehin pangopësia e vet i ka vrarë.

“Nyjë në ujë”, NB „Rilindja“, Prishtinë, 1997

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat