Je e bukur, jetë
Kur besa është e kristaltë
Dhe fjala e ëmbël-mjaltë
Dashuria-e zjarrtë
Kur rritet sa një mal
I lirisë ideal
Dhe na bën krenarë
Dashuri na ngjallë
Jetë, je e bukur
Kur dëshmorët nderohen
Atdheu rindërtohet
Kombi qytetërohet
Rinia shkollohet
Shqipja rri n’flut’rim
Qiellit t’atdheut tim
E bukur je, jetë
Ke kuptim vërtet
Kur veset i flakim
Virtytet përqafim
Të keqen e dëbojmë
Dëlirësisht bilbilojmë
Je, jetë shumë e bukur
Kur n’t’atdheut altar
Si margaritar
Ar edhe thesar
Ty të falën trimat
Për një ideal
Ideal ish liria
Dhe mëmë Shqipëria
